Í Víkurskóla er starfandi forskóladeild. Það er samstarfsverkefni leikskólans Hamra og Víkurskóla. Elstu nemendur af Hömrum koma tvisvar í viku í Víkurskóla og vinna þemaverkefni út frá Söguaðferðinni sem er skosk kennsluaðferð. Leikskólakennarar og grunnskólakennari vinna saman með elstu börnunum. Vetrinum er skipt upp í 4 þemu. Sett er upp aðstaða (leiksvið) í takt við hvert þema. Leikurinn er undirstaða forskólanámsins. Í þemanu verða nemendur þátttakendur í sögu. Í gegnum hlutverkaleik skapa þeir sögu, vinna með tölur, bókstafi, orð o.s.frv.  Við lok hvers þema er haldin kynning þar sem foreldrum/ forráðamönnum er boðið að koma á. Verkefnið hefur fengið úthlutað styrk úr þróunarstjóði Menntasviðs.

Markmið forskólastarfsins er:

• Að efla enn frekar samvinnu leik- og grunnskóla.
• Að undirbúningur fyrir næsta skólastig fari fram í gegnum leik t.d. lestrar- og stafaþjálfun, talnaskilningur og hugtakaþjálfun.
• Að gera lestrarkennslu markvissari með því að leggja aukna áherslu á málörvun og bæta þannig lesskilning.
• Að kennsla í ritun hefjist fyrr og haldist í hendur við lestrarkennsluna.
• Að upphaf skólagöngu verði einstaklingsmiðað.