Víkurskóli sími : 487-1242 netfang : vikurskoli@vikurskoli.is / Skólabílstjórar Ingi Már : 894-9422 – Hjördís Rut: 861-0294
Dagatalið
8 september
Dagur læsis
16 september
Dagur íslenskrar náttúru
17 september
Bekkjakvöld yngsta stig
24 september
Bekkjarkvöld miðstig
26 September
Evrópski tungumáladagurinn
Víkurfjöruverkefnið
Upplestrarkeppnin Röddin
/in frettir /by VikurskoliUpplestrarkeppnin Röddin var haldin í Safnaðarheimili Oddakirkju á Hellu þann 30. apríl s.l. Í ár var það Grunnskólinn á Hellu sem hélt utan um undirbúning og framkvæmd kepnninnar. Fyrir hönd Víkurskóla kepptu þau Diljá Mist Guðnadóttir og Ingólfur Atlason Waagfjörð og varamaður var Bryntýr Orri Gunnarsson.
Úrslit keppninnar litu svona út:
2. sæti – Hákon Þór Kristinsson frá Laugalandsskóla
3. sæti – Hafdís Laufey Ómarsdóttir frá Grunnskólanum á Hellu
Keppnin var vel heppnuð í alla staði og að keppni lokinni var boðið upp á kaffi og kökur.
Okkar krakkar stóðu sig með mikilli prýði og voru Víkurskóla til sóma. Við óskum þeim til hamingju með árangurinn.
Gjöf frá nemendum Mánalands
/in frettir /by VikurskoliNemendur á leikskólanum Mánalandi komu færandi hendi með glæsilegt glerlistaverk sem þau máluðu handa okkur í grunnskólanum. Takk fyrir krakkar á Mánalandi!
Skólahreysti 2024
/in frettir /by VikurskoliLið Víkurskóla keppti í undanriðlum Skólahreysti 18. apríl. Krakkarnir stóðu sig afar vel og stuðningsliðið var magnað. Við þökkum jafnframt Arndísi Evu Vigfúsdóttur fyrrum nemanda við skólann kærlega fyrir að keppa fyrir hönd síns gamla skóla.
Listalestin á Hvolsvelli
/in frettir /by VikurskoliDagana 16. og 17. apríl héldu nemendur í 8.-10.b á Hvolsvöll til að taka þátt í listasmiðjum á vegum Listalestar HÍ. Fyrir smiðjunum stóðu listkennslunemendur Listaháskóla Íslands, en árlega halda þeir listasmiðjur fyrir grunnskóla utan höfuðborgarsvæðisins með áherslu á samruna listgreina. Verkefnið Listalestin er unnið í samstarfi við List fyrir alla.
Laugalandsskóli, Grunnskólinn á Hellu og Hvolsskóli tóku einnig þátt í verkefninu og var nemendum skipt í sjö smiðjur þvert á skóla. Verkefnin voru fjölbreytt og skemmtileg og lauk formlega með listasýningu í Hvolnum á Hvolsvelli miðvikudaginn 17. apríl.
Skólakeppni Raddarinnar
/in frettir /by VikurskoliSkólakeppni Raddarinnar, upplestrarkeppni skólanna í Rangárvalla- og Vestur-Skaftafellssýslu auk Vestmannaeyja fór fram þann 11. apríl s.l. Það eru 7. bekkingar sem ár hvert æfa síg sérstaklega í upplestri og velja svo fulltrúa til að mæta á lokakeppni skólanna. Umsjón með æfingahluta verkefnisins hefur Þuríður Lilja Valtýsdóttir umsjónarkennari. Að þessu sinni fer lokakeppnin fram á Hellu 30. apríl n.k. Krakkarnir stóðu sig öll með prýði. Það verða þau Ingólfur Atlason og Diljá Mist Guðnadóttir sem munu lesa upp fyrir hönd skólans á lokakeppninni.