Forsíða

Bekkjarfjör

22/01/2019/in Fréttir /by Rima Feliksasdóttir

13/12/2018/in Fréttir /by Rima Feliksasdóttir

Heimsókn frá slökkviliðinu

11/12/2018/in Fréttir /by Rima Feliksasdóttir

Hressir menn frá Slökkviliðinu í Vík heimsóttu nemendur í 3.-⁠4 bekk.

Nemendur lærðu ýmislegt meðal annars um reykskynjara, brunateppi,
umgengni við kerti og hvernig á að haga sér ef upp kemur eldur.

Nemendi í 3. bekk fékk getraun til að taka með sér heim og vinna með
foreldrum, henni skila hann svo aftur í skólann og fá vasaljós að
launum. Dregið verður úr réttum lausnum eftir 11.janúar og fá þeir sem
dregnir verða út verðlaun frá slökkviliðinu. Við þökkum
slökkviliðsmönnum kærlega fyrir komuna.

Kaffihúskvöldið okkar

16/11/2018/in Fréttir /by Rima Feliksasdóttir

Kaffihúskvöldið okkar í Víkurskóla tókst mjög vel og var að venju vel sótt. Þessi viðburður skólastarfsins er haldinn í tilefni af degi íslenskrar tungu 16. nóvember.

Karl Anders nemandi í 8. bekk og verðlaunahafi Stóru-Upplestrarkeppninnar 2018 las nokkur ljóð eftir Þórarinn Eldjárn. Egill nemandi í 7. bekk og Marton nemandi í 10. bekk spiluðu á gítar ásamt Brian tónskólastjóra. Aðalgestur kvöldsins var Kristín Helga Gunnarsdóttir rithöfundur hún las upp úr nýútkomnum bókum sínum. Það er ekki orðum aukið að Kristín Helga heillaði viðstadda með skemmtilegum upplestri og frásögnum. Við þökkum henni kærlega fyrir að heiðra okkur með heimsókn.

Að dagskrá lokinni buðu nemendur uppá glæsilegt kaffihlaðborð en þeir höfðu bakað allt sem boðið var uppá undir stjórn Victoriu umsjónarkennara 10. bekkjar. (höf. Elín)

08/11/2018/in Fréttir /by Rima Feliksasdóttir

23/10/2018/in Fréttir /by Rima Feliksasdóttir

Skólaþing nemenda í 5.-10. bekk

17/10/2018/in Fréttir /by Rima Feliksasdóttir

Einn af grunnþáttum menntunar í grunnskóla er lýðræði og mannréttindi. Í Víkurskóla leggjum við áherslu á þjálfa börn í samræðum og virkri hlustun. Viðleitni í þá átt er skólaþing nemenda. Við héldum slíkt þing í gær miðvikudaginn 17. nóvember með þátttöku nemenda í 5.-10. bekk. Viðfangsefni þingsins voru málefni sem tengjast skólanum með beinum hætti og eru nemendum mjög hugleikin; samskipti, námið, skólaumhverfið, félagslíf og matur/morgunhressing. Nemendum var skipt í 5 hópa og fengu allir tækifæri á að ræða öll málefnin og hópstjórar sáu um að skrá niður það sem rætt var. Í framhaldinu voru niðurstöðurnar skráðar á töflu og síðan sáu kennarar um að skrá þær í tölvu og flokka. Frekari úrvinnsla fer svo fram hjá nemendum og verður grunnur að úrbótum á því sem nemendum finnst helst þurfa.

Krakkarnir stóðu sig með sóma og þau voru mjög ánægð með að fá að tjá sig og koma sínum skoðunum á framfæri. (höf. Elín)

Katla 100 ára

14/10/2018/in Fréttir /by Rima Feliksasdóttir

Einn af stóru viðburðum ársins hjá okkur í Víkurskóla var 100 ára afmæli eldstöðvarinnar Kötlu, 12. október. Þess var minnst með gríðarstórri ráðstefnu sem fór fram í íþróttahúsinu okkar. Hlutverk nemenda í afmælisundirbúningnum var að útbúa skreytingar og fræðsluefni sem prýddu skólann og íþróttahúsið á hátíðinni. Eldri nemendur tóku þátt í fjölbreyttri dagskrá sem var sett upp í skólanum ásamt nemendum úr Hvolsskóla og Kirkjubæjarskóla. Þar fengu nemendur tækifæri til að hitta fræða- og vísindamenn frá Veðurstofu Íslands, Háskóla Íslands og Kötlu jarðvangi. Þeir settu upp spennandi fræðslu og upplifanir fyrir nemendur á nokkrum stöðvum í skólanum. Nemendur voru margs vísari enda afar mikilvægt að þeir eins og aðrir íbúar á okkar svæði hafi góða þekkingu á Kötlu og hvers má vænta þegar hún einn góðan veðurdag gýs. Við erum afar þakklát fyrir að fá þessa frábæru gesti til okkar í Víkurskóla. (höf. Elín)

Fleiri myndir í myndaalbúmi hér..

List fyrir alla í Víkurskóla

09/10/2018/in Fréttir /by Rima Feliksasdóttir

Í dag fengu við góðan gest í heimsókn í skólann okkar á vegum verkefnisins ,,List fyrir alla’’ sem er verkefni á vegum íslenska ríkisins. Markmið verkefnisins er að nemendur fái í gegnum grunnskólagönguna að upplifa sem flest listform.

Að þessu sinn fengu nemendur að upplifa brúðuleikhús á vegum Handbendis sem er lítið brúðuleikhús á Hvammstanga. Stofnandi þess Greta Clough kom til okkar með sýninguna um Búkollu og að henni lokinni fengu nemendur tækifæri og leiðsögn í að hanna sína eigin leikbrúðu. Þegar því var lokið var sköpunargleði nemenda engin takmörk sett og margir fóru á flug við að semja leikverk.

Við þökkum Handbendi og Gretu kærlega fyrir frábæra heimsókn til okkar.

Hér má fræðast nánar um verkefnið: https://listfyriralla.is/event/bukolla/ (höf. Elín)

Brúðuleikhús

28/09/2018/in Fréttir /by Rima Feliksasdóttir

Í dag bauð Þjóðleikhúsið í samstarfi við Brúðuheima nemendum í 1.-6. bekk og elsta hópi leikskólans upp á leiksýningu. Sýningin heitir Sögustund og henni stýrir brúðumeistarinn Bernd Ogrodnik. Þessi sýning fer vítt og breitt um landið og er viðleitni Þjóðleikhússins til að verða meira þjóðleikhús. Við þökkum Þjóðleihúsinu kærlega fyrir komuna til okkar. Skólinn fékk sýningarastöðu á Hótel Kötlu og færum við staðarhöldurum þar bestu þakkir fyrir. (höf. Elín E.)