Allir nemendur og starfsfólk Víkurskóla fóru í árlega haustferð 8. september. Að þessu sinni var farið í vettvangsferð og berjamó upp í Hafursey. Veðrið var ágætt og allir nutu dásamlegrar útivistar. Sumir týndu alveg helling af berjum en aðrir borðuðu þau á staðnum. Markmið svona vettvangsferðar er fjölþætt og kemur inn á mjög marga þætti í áherslum Víkurskóla. Nemendur læra um náttúru nærumhverfisins og hvernig ber að umgangast hana sem er partur af Jarðvangsskólanum, nemendur blandast þvert á aldur í skemmtilegri samveru sem er það sem þau sjálf hafa óskað eftir og svo síðast en ekki síst er svona ferð mikilvæg fyrir Heilsueflandi skólastarf.

Fleiri Myndir

Í gær var árleg skólakeppni 7. bekkinga í Stóru-upplestrarkeppninni. Krakkarnir stóðu sig með sóma og dómarar keppninnar stóðu frammi fyrir vandasömu verkefni að velja úr hópnum tvo sigurvegara. En að þessu sinni voru það Arnfríður Mára Þráinsdóttir og Helga Guðrún Ólafsdóttir sem voru hlutskarpastar. Við óskum þeim til hamingju og vitum að þær eiga eftir að standa sig vel í héraðskeppninni sem haldin verður 8. apríl n.k. á Hvolsvelli.

Á myndinni má sjá Þorgerði Hlín Gísladóttur umsjónarkennara 7.-8. bekkjar ásamt keppendum.

Einu sinni í mánuði er öðruvísi dagur í stærðfræðikennslunni hjá okkur í Víkurskóla. Þá vinna krakkarnir saman í skemmtilegum verkefnum þvert á aldur. Síðastliðinn föstudag 1. Mars var svona dagur. Það var sérstaklega gaman að sjá hvað elstu nemendurnir unnu vel með þeim yngri.