Víkurskóli – Page 3 – Vík í Mýrdal

Matseðill Dægradvöl Starfsáætlun Stundaskrár Skóladagatal Skólaakstur

Víkurskóli sími : 487-1242 netfang : vikurskoli@vikurskoli.is / Skólabílstjórar Ingi Már : 894-9422 – Hjördís Rut: 861-0294

Listalestin á Hvolsvelli

April 19, 2024/in frettir /by Vikurskoli

Dagana 16. og 17. apríl héldu nemendur í 8.-10.b á Hvolsvöll til að taka þátt í listasmiðjum á vegum Listalestar HÍ. Fyrir smiðjunum stóðu listkennslunemendur Listaháskóla Íslands, en árlega halda þeir listasmiðjur fyrir grunnskóla utan höfuðborgarsvæðisins með áherslu á samruna listgreina. Verkefnið Listalestin er unnið í samstarfi við List fyrir alla.
Laugalandsskóli, Grunnskólinn á Hellu og Hvolsskóli tóku einnig þátt í verkefninu og var nemendum skipt í sjö smiðjur þvert á skóla. Verkefnin voru fjölbreytt og skemmtileg og lauk formlega með listasýningu í Hvolnum á Hvolsvelli miðvikudaginn 17. apríl.

Skólakeppni Raddarinnar

April 18, 2024/in frettir /by Vikurskoli

Skólakeppni Raddarinnar, upplestrarkeppni skólanna í Rangárvalla- og Vestur-Skaftafellssýslu auk Vestmannaeyja fór fram þann 11. apríl s.l. Það eru 7. bekkingar sem ár hvert æfa síg sérstaklega í upplestri og velja svo fulltrúa til að mæta á lokakeppni skólanna. Umsjón með æfingahluta verkefnisins hefur Þuríður Lilja Valtýsdóttir umsjónarkennari. Að þessu sinni fer lokakeppnin fram á Hellu 30. apríl n.k. Krakkarnir stóðu sig öll með prýði. Það verða þau Ingólfur Atlason og Diljá Mist Guðnadóttir sem munu lesa upp fyrir hönd skólans á lokakeppninni.