Víkurskóli sími : 487-1242 netfang : vikurskoli@vikurskoli.is / Skólabílstjórar Ingi Már : 894-9422 – Hjördís Rut: 861-0294
Dagatalið
16 desember
Jólaball 5 til 10 bekkur
17 desember
Litlu Jól
18 desember
Jólafrí hefst
3 janúar
Starfsdagur
6 janúar
Skólastarf hefst
Víkurfjöruverkefnið
Skólabúðir á Reykjum
/in frettir /by VikurskoliNemendur í 6. – 7. bekk, Víkurskóla fóru í skólabúðir að Reykjum í Hrútafirði dagana 21. – 24. apríl s.l. Í Skólabúðunum fá nemendurnir tækifæri til að efla félagsfærni og styrkja leiðtogahæfileika sína og sjálfsmynd sem okkar nemendur nýttu sér svo sannarlega.
Dagskráin var fjölbreytt og vel útfærð. Þau heimsóttu Byggðarsafnið þar sem þau fengu sögulegan fróðleik, leystu skemmtilegar þrautir, fengu að smakka hákarl og kynntust sögu Húnaþings og nærliggjandi umhverfi svo eitthvað sé nefnt.
Í frjálsa tímanum var líka nóg um að vera, leikir, sundlaugapartý, sjóböð, slökun í náttúrulauginni, kvöldvökur og tískusýning sem okkar nemendur sigruðu.með glæsibrag.
Allir krakkarni voru til fyrirmyndar og tóku fullan þátt, eignuðust vini og skemmtu sér konunglega. Þessa daga skartaði veðrið sýnu fegursta og litaði skemmtilegan brag á veruna.
Upplestrarkeppnin Röddin
/in frettir /by VikurskoliUpplestrarkeppnin Röddin var haldin í Safnaðarheimili Oddakirkju á Hellu þann 30. apríl s.l. Í ár var það Grunnskólinn á Hellu sem hélt utan um undirbúning og framkvæmd kepnninnar. Fyrir hönd Víkurskóla kepptu þau Diljá Mist Guðnadóttir og Ingólfur Atlason Waagfjörð og varamaður var Bryntýr Orri Gunnarsson.
Úrslit keppninnar litu svona út:
2. sæti – Hákon Þór Kristinsson frá Laugalandsskóla
3. sæti – Hafdís Laufey Ómarsdóttir frá Grunnskólanum á Hellu
Keppnin var vel heppnuð í alla staði og að keppni lokinni var boðið upp á kaffi og kökur.
Okkar krakkar stóðu sig með mikilli prýði og voru Víkurskóla til sóma. Við óskum þeim til hamingju með árangurinn.
Gjöf frá nemendum Mánalands
/in frettir /by VikurskoliNemendur á leikskólanum Mánalandi komu færandi hendi með glæsilegt glerlistaverk sem þau máluðu handa okkur í grunnskólanum. Takk fyrir krakkar á Mánalandi!
Skólahreysti 2024
/in frettir /by VikurskoliLið Víkurskóla keppti í undanriðlum Skólahreysti 18. apríl. Krakkarnir stóðu sig afar vel og stuðningsliðið var magnað. Við þökkum jafnframt Arndísi Evu Vigfúsdóttur fyrrum nemanda við skólann kærlega fyrir að keppa fyrir hönd síns gamla skóla.
Listalestin á Hvolsvelli
/in frettir /by VikurskoliDagana 16. og 17. apríl héldu nemendur í 8.-10.b á Hvolsvöll til að taka þátt í listasmiðjum á vegum Listalestar HÍ. Fyrir smiðjunum stóðu listkennslunemendur Listaháskóla Íslands, en árlega halda þeir listasmiðjur fyrir grunnskóla utan höfuðborgarsvæðisins með áherslu á samruna listgreina. Verkefnið Listalestin er unnið í samstarfi við List fyrir alla.
Laugalandsskóli, Grunnskólinn á Hellu og Hvolsskóli tóku einnig þátt í verkefninu og var nemendum skipt í sjö smiðjur þvert á skóla. Verkefnin voru fjölbreytt og skemmtileg og lauk formlega með listasýningu í Hvolnum á Hvolsvelli miðvikudaginn 17. apríl.