Víkingaþema
Krakkarnir í 2. og 3. bekk hafa síðust vikur lært fjölmargt um landnám Ísland og Víkingaöld. Krakkarnir hafa skyggnst inn í daglegt líf landnámsfólks, lært um stéttaskiptingu, hvernig landsvæði hentaði best til búsetu, tómstundir, siði, fatnað og skart, mat og auðvitað um hina ýmsu landsnámsmenn- og konur. Eftir skartgripagerð, lestur, grúsk, teiknivinnu og fleira fórum við í Víkurfjöru og útbjuggum í sameiningu landnámsbæi. Mynduð voru fjöll, tún, kartöflugarðar, skálar, skip og varnargarðar og rúsínan í pylsuendanum var að finna öndvegissúlu.
Röddin, upplestrarkeppni 7. bekkinga
Skólakeppni Raddarinnar, upplestarkeppni 7. bekkinga fór fram 9. mars. Markmið keppninnar er að þjálfa vandaðan og áheyrilegan upplestur. Valdir voru keppendur til að taka þátt í héraðskeppni Raddarinnar sem verður haldin að þessu sinni í okkar heimabyggð 14. apríl n.k. Það voru þær Harpa Sóllilja Ólafsdóttir og Michalina Rutkowska sem voru hlutskarpastar og Gréta Björk Einarsdóttir verður til vara.