Þann 11.2 ár hvert heldur Neyðarlínan upp á 112 daginn. Dagurinn er til þess að minna landsmenn, ekki síst börn og unglinga, á númerið sem allir þurfa að kunna í neyð.
Viðbragðsaðilar í Mýrdalshreppi létu sitt ekki eftir liggja, en slökkvilið, sjúkraflutningamenn, lögregla og björgunarsveit mættu og sýndu hin ýmsu tæki.
Nemendur fengu færi á að skoða dótið, setjast inn í bílana, kveikja á sírenum og alls konar skemmtilegt.
Við þökkum viðbragðsaðilunum kærlega fyrir komuna.
Á dögunum voru haldnir þjóðlegir dagar, en þeir eru orðnir að árlegum viðburði hjá okkur hér í Víkurskóla. Þá er unnið með ýmislegt sem tengist íslenskum hefðum, t.d. þjóðsögur, lopapeysumynstur, hjátrú og kveðskap. Þjóðlegum dögum lauk svo með hinu árlega þorrablóti Víkurskóla sem fór fram með hefðbundnu sniði. Nemendur og starfsfólk nutu þess að borða […]
Skólabókasafnið okkar hefur aldeilis tekið stakkaskiptum í vetur undir stjórn Lisu Kaplon bókasafnsfræðings. Undir hennar stjórn var mjög skemmtilegt lestrarhvatningarverkefni á aðventunni. Í næstu viku fer af stað lestrarátak fyrir vorönn sem er samstarfsverkefni Lisu og Editar listakennara og nemenda í 4.-6. bekk. Lestrarátakið kalla þær Lestrartréð. Við hvetjum foreldra/forráðamenn til að kíkja við á bókasafninu.
Hér fylgir líka tengill á kynningarbréf vegna þessa frábæra verkefnis. Lestrarátak vorönn 2025 – boðsbréf
Aðventan hefur liðið hratt hjá okkur í Víkurskóla. Margir skemmtilegi,r litlir viðburðir til þess að lita tilveruna. Vasaljósaferð og leikir á Syngjandanum, heimsókn í Víkurkirju og söngstundir með Brian Haroldsson. Við höfum líka fengið gesti í húsið, Slökkviliðið kom í heimsókn til 3.-4. bekkjar og svo má ekki gleyma stórskemmtilegri heimsókn Sævars Helga Bragasonar rithöfundar og stjörnuskoðunarsérfræðíngs. Hér fylgir með mynd af nemendum í 1.-6. bekk sem heimsóttu íbúa á Hjallatúni og sungu af hjartans lyst fyrir þá. Aðventan er tími til að gleðjast og gleðja aðra. Nemendur eru nú að keppast við að undirbúa Litlu-jólin sem verða þriðjudaginn 17. desember n.k.
Það styttist í jólahátíðina. Í desember gerum við eitt og annað til að brjóta upp hversdaginn í aðdraganda jólanna. Hér gefur að líta það helsta sem verður á dagskránni hjá okkur í Víkurskóla.
Hér er hægt að skoða Jóladagskrá 2024
Að venju var Dagur íslenskrar tungu haldinn hátíðlegur í Víkurskóla. Nemendur og starfsfólk stóðu fyrir skemmtun sem kölluð er Kaffihúskvöld Víkurskóla en það er jafnframt fjáröflun fyrir Ferðasjóð nemenda. Að þessu sinn sáu nemendur alfarið um skemmtiatriði með aðstoð kennara og starfsmanna. Nemendur sáu líka um að baka og gera glæsilegt veisluborð fyrir gesti kvöldsins. Viðburðurinn var eins og alltaf afar vel sóttur. Nemendur 1. bekkjar og elsti hópur leikskólans voru með sameiginlegt söngatriði, nemendur 2.-3. bekkjar sungu þekkta vísu Jónasar Hallgrímssonar, Buxur, vesti brók og skó, þau lásu líka upp frumsamin ljóð. Nemendur í 4.-6. bekk gáfu innsýn í verkefni sem þau hafa unnið í Drangamixi, verkefnið fjallar um Landvætti Íslands, þau tóku jafnframt lagið. Nemendur 7. bekkjar lásu Veðurvísur Jónasar og nemendur 8. bekkjar sögðu frá ævi þjóðskáldsins okkar. Fulltrúar nemendaráðs, Íris, Andri og Diljá voru kynnar kvöldsins. Nemendur 9.-10. bekkjar sáu um að stilla öllu fallega upp fyrir kvöldið og aðstoðuðu við frágang. Sannarlega skemmtilegur viðburður.
Nemendur á elstastigi í vali komu með þá hugmynd að safna fyrir skólapeysum. Tveir elstu bekkirnir tóku af skarið og skipulögðu fyrstu fjáröflunina, hnallþóruhappdrætti.
Nemendur höfðu selt happdrættismiða við góðar viðtökur og í dag voru vinningshafar dregnir út. Nemendur afhentu sjálfir hnallþórurnar til vinningshafa.
Til hamingju vinningshafar með kökurnar og takk allir sem styrktu með miðakaupum.
Heimilsfang: Mánabraut 3 | Pósthúmer: 870 Vík | Símanúmar: 487 1242 | Netfang: vikurskoli@vikurskoli.is
Tilkynningar um leyfi eða veikindi nemenda: 487-1242 eða á netfangið vikurskoli@vikurskoli.is
